Durga Kavach Lyrics in Hindi – दुर्गा कवच लीरिक्स

Rishi Markandeya ne poocha jabhi,
Daya karke Brahmaji bole tabhi.
Ki jo gupt mantra hai sansar mein,
Hain sab shaktiyan jiske adhikar mein.
Har ek ka jo kar sakta upkaar hai,
Jise japne se beda hi paar hai.
Pavitra kavach Durga balshali ka,
Jo har kaam poora kare sawaali ka.
Suno Markandeya, main samjhaata hoon,
Main Navadurga ke naam batlaata hoon.
Kavach ki main sundar chaupai bana,
Jo atyant hai gupt, deun bata.
Nav Durga ka kavach yeh, padhe jo man chit laaye,
Uspe kisi prakaar ka, kabhi kasth na aaye.

Kaho jai jai maharani ki,
Jai Durga asht bhavani ki.

Pahli Shailputri kahlaave, doosri Brahmacharini man bhawe.
Teesri Chandraghanta shubh naam, chauthi Kushmanda sukh dhaam.
Paanchvi Devi Skand Mata, Chhati Katyayani vikhyata.
Saatvi Kalaratri mahamaya, Aathvi Mahagauri Jagjaya.
Nauvi Siddhidatri jag jaane, Nav Durga ke naam bakhaane.
Mahasankat mein van mein ran mein, rog koi upje jin tan mein.
Mahavipatti mein vyohar mein, maan chaahe jo raaj darbaar mein.
Shakti kavach ko sune sunaaye, manokaamna siddhi nar paaye.
Chamunda hai pret par, Vaishnavi Garud savaar.
Bail chadhi Maheshwari, haath liye hathiyaar.

Kaho jai jai jai maharani ki,
Jai Durga asht bhavani ki.

Hans savaari Varahi ki, mor chadhi Durga koumari.
Lakshmi devi Kamal aasina, Brahmi hans chadhi le veena.
Ishwari sada kare bail savaari, bhakton ki karti rakhwaari.
Shankh chakra shakti trishula, hal moosal kar kamal ke phoola.
Daitya naash karne ke kaaran, roop anek kiye hai dhaaran.
Baar baar charan seer sarvaan, Jagadamba ke gun ko gaavan.
Kasht nivaaran balshali ma, dusht sangharan Mahakali ma.
Koti koti mata pranaam, poorn kijo mere kaam.
Daya karo balshali ni, daas ke kasht mitao.
Meri raksha ko sada, simh chadhi ma aao.

Kaho jai jai jai maharani ki!
Jai Durga asht bhavani ki!!

Agni se Agni devta, poorv disha mein Indri.
Dakshin mein Varahi meri, Nairutya mein khadag dhaarini.
Vaayu se Maa Mrigvahini, pashchim mein devi Varuni.
Uttar mein Maa Kaumari ji, Ishan mein Shooladharini.
Brahmani mata arsh par, Maa Vaishnavi is farsh par.
Chamunda das dishaon mein, har kasht tum mera haro.
Sansar mein Maa meri, raksha karo raksha karo.

Sanmukh mere devi jaya, pache ho Maa Vijaya.
Ajita khadi baayein mere, Aparajita daayein mere.
Udyotini Maa shikha ki, Maa Uma devi sir ki.
Mala dhaari lalat ki, aur bhrukuti ki Maa yashasvini.
Bhrukuti ke madhya trinetra, yam ghanta dono naasika.
Kali kapolon ki karn, moolon ki Maa Shankari.
Naasika mein amsh apna, Maa Sugandha tum dharyo.
Sansar mein Maa meri, raksha karo raksha karo.

Upar v neeche hothon ki, Maa Charchika amritakali.
Jeebh ki Maa Saraswati, daanton ki Kaumari sati.
Is kanth ki Maa Chandika, aur chitraghanta ghanti ki.
Kamakshi Maa thodi ki, Maa Mangala is vaani ki.
Greeva ki Bhadrakali Maa, raksha kare balshali Maa.
Dono bhujaon ki mere, raksha kare dhanu dharini.
Dono haathon ke sab angon ki, raksha kare jagatarni.
Shooleshwari, Kuleshwari, Mahadevi shok vinaashini.
Chhaati stanon aur kandhon ki, raksha kare jagvaasini.
Hriday udar aur nabhi ke, kati bhag ke sab angon ki.
Guhyeshwari Maa Pootna, jag janani Shyama rang ki.
Ghutnon janghaon ki kare raksha vo Vindhyavasini.
Takhnon v paav ki kare raksha vo Shiv ki dasini.
Rakt maans aur asthiyon ki, raksha kare jagat pita ki.
Sansar mein Maa meri, raksha karo raksha karo.
Upar v neeche hothon ki, Maa Charchaka Amritkali.
Jeebha ki Maa Saraswati, daanton ki kaumari Sati.
Is kanth ki Maa Chandika, aur chitr-ghanta ghanti ki.
Kaamakshi Maa thodi ki, Maa Mangla is vaani ki.
Griiva ki Bhadrakali Maa, raksha kare balshaali Maa.
Dono bhujaon ki mere, raksha kare dhanu dhaarani.
Dono haathon ke sab angon ki, raksha kare jagataarani.
Shooleshwari, Kuleshwari, Mahadevi Shok Vinaashini.
Chaati stano aur kandhon ki, raksha kare jagvaasini.
Hriday udar aur nabhi ke, kati bhaag ke sab angon ki.
Guheshwari Maa Pootna, jag janni Shyama rang ki.
Ghutnon janghaon ki kare raksha wo Vindhya Vaasini.
Takhnon v paanv ki kare raksha wo Shiv ki daasni.
Rakt maans aur haddiyon se jo bana sharir.
Aaton aur pit vaat mein, bhara agni aur neer.
Bal buddhi anhkaar aur, praan apaan samaan.
Sat, raj, tam ke gunon mein fansi hai yeh jaan.
Dhaara anekon roop hi raksha kariyo aan.
Teri kripa se hi Maa sab ka hai kalyan.
Aayu, yash aur kirti dhan sampati parivaar.
Brahmani aur Lakshmi, Parvati Jagataar.
Vidya de Maa Saraswati, sab sukhon ki mool.
Dushton se raksha karo haath liye trishool.

Bhairavi mere jeevan saathi ki, raksha karo hamesh.
Maan raj darbaar mein deven sada naresh.

Yatra mein dukh koi na, mere sir par aaye.
Kavach tumhara har jagah, meri kare sahaaye.
Ai Jagjanni kar daya, itna do vardaan.
Likha tumhara kavach yeh, padhe jo nishchay maan.
Manvaanchit phal paaye wo, mangal mod basaye.
Kavach tumhara padhte hi, navnidhi ghar aaye.
Brahmaaji bole suno Markandeya.
Yeh Durga Kavach maine tumko sunaya.
Raha aaj tak tha gupt bhed saara.
Jagat ki bhalaai ko maine bataya.
Sabhi shaktiyon jag ki karke ekatrit.
Hai mitti ki deh ko ise jo pahnaya.
Main jisne shradha se isko pada jo.
Suna to bhi muh maanga vardaan paaya.
Jo sansaar mein apne mangal ko chahe.
To hardam yehi kavach gaata chala jaa.
Biyaawan jangal dishaon dashon mein.
Tu shakti ki jay jay manata chala jaa.
Tu jal mein, tu thal mein, tu agni pawan mein.
Kavach pahan kar muskurata chala jaa.
Nidarr ho vichar man jahaan tera chahe.
Apne kadam aage badhta chala jaa.
Tera maan dhan dhaam isse badhega.
Tu shradha se Durga Kavach ko jo gaaye.
Yehi mantra, yantra yehi tantr tera.
Yehi tere sir se hai sankat hataayein.
Yehi bhoot aur preth ke bhay ka naashak.
Yehi kavach shradha v bhakti badhaayein.
Ise nisdin shradha se padh kar.
Jo chahe to muh maanga vardaan paaye.
Ise kavach ko prem se jo padhe.
Kripa se aadi Bhavani ki, bal aur buddhi bade.
Shradha se japta rahe, Jagdamba ka naam.
Sukh bhoje sansaar mein, ant mukti sukhadhaam.
Kripa karo Maateshwari, baalak main naadan.
Tere dar par aa gira, karo Maiyya kalyaan.

Jai Maa Durga!